PANTUN MENUNTUT ILMU ( bahasa aceh )

Salam 'alaikum wahe eu taulan
Saleum keu rakan tuha ngoen muda
Uloen meuteuka rakan sinaroeh
Mangat tatusoe sabe syedara

Alhamdulillah pujo keu rabbi
Yang bie raseuki meuleumpah dumna
Geu peu goet langet geu peu jeut bumoe
Yang peujeut tanyoe ateuh rueng donya

Silaweut keu nabi sidroe pang ule
Rasul yang dile habib mushthafa
Peu buet yg suroeh peu jioh teugah
Utusan Allah nabi mulia

Lon tuan keumeung meusampoe kisah
Meusyen tat abah peugah ceritra
Kisah ulama dalam meununtot
Ilme yang peutot peudoeng agama

Na keuh di baghdad abu hanifah
Caroeng meusanggah gepekoeng haba
Meukat geutinggai tuntot ilme
Mangat meuhoe me syariat yg na

Imum syafii beudoeh dimeukah
Tempat madinah tujuan teuka
Bak imum malek niet geumeu gure
Muwathta' lam ule hana geu kira

Meunan ciet rupa imum bukhari
Geut tat meuri-ri hadis geu mita
Uroe ngoen malam hana geupiyoeh
Beujeut geuperoeh hadis yang kana

Imum nawawi bak geu meugure
12 ilme tiep uroe masa
Geujaga wate susah tabayang
Leu geukeumarang kitab meubanja

--------***

Dalam meu nuntot imum Suyuthi
Nanggro syam hindi leupah geutueka
Tujoeh ileume geukuwasawi
Geu suson rapi 300 pusaka

Kisah ureung nyan meunan silapeh
Tat geumeu abeh ilme geu mita
Koen lah sigeutep ulama jameun
Bandum tapeu keun dalam useuha

Ilme agama beu macam bagoe
Boynah keu tanyoe dari ulama
Bandum ilme nyan payah tapakoe
Neu deungoe jinoe mangat lon ceritra

Ilme akidah meurunoe kubiet
Mangat meu ariet meupom rabbana
Ileume fiqah bek tat tuwoe ciet
Mangat bek muegrit hukoem meukana

Ileume hadis beuta ikuti
mangat nak meuri hadis baginda

Ta sambong lom insyaallah...:-)